Back Bernard Goumou German Μπερνάρ Γκομού Greek Bernard Goumou English Bernard Goumou Spanish Bernard Goumou FF Bernard Goumou French Bernard Goumou ID Bernard Goumou NB Bernard Gomou Polish Bernard Goumou Portuguese
Bernardus, vulgo Bernard Goumou (ad Abidjan Litoris Eburnei die 8 Septembris 1960 natus) est politicus Guineae.
Partim Abidjan in urbe, partim Lolae in Guinea educatus est. Alumnus est Scholae nationalis commercii et administrationis iuxta Settat Maroci; unde in patriam reditus rationarius operam dedit. Societas commercialis cautionum praebendarum Lanala Assurances anno 2017 condidit. Gradum doctoris in re administrationis commercialis anno 2020 ascendit apud universitatem Lugdunensem III: inquisitiones, quas in Guinea ad dissertationem conficiendam persecutus est, eodem anno divulgavit.
Die 27 Octobris 2021 minister a commercio et industria factus est, primo ministro transitorio Mahometo Béavogui; quo aegrotante Bernardus Goumou a die 16 Iulii 2022 officio primi ministri ad interim fungebatur. Hoc officium die 20 Augusti eiusdem anni rite suscepit.
© MMXXIII Rich X Search. We shall prevail. All rights reserved. Rich X Search